“Anda da olarnı alacaqmız”, –  rusiyeniñ Qara deñizden keri ketmesi aqqında Zelenskıy

03 Noyabr 2023

rusiye Qara deñiz üzerindeki kontrolını yavaş yavaş ğayıp ete. Oturış neticesine köre Ukraina Prezidenti Volodımır Zelenskıy bunı bildirdi. Anda askerler, istihbaratçılar, telükesizlik quvetçileri ve memurlarnıñ esaplarını diñlediler, dep Qırım.Aqiqat haber berdi.

“Ukrainanıñ dünya bazarına irişimin saqlaması içün cenkleşken ve çalışqan er keske minnetdarım. Neticeler yahşıdır. Rusiye, Qara deñiz üzerindeki kontrolını yavaş yavaş ğayıp ete ve akvatoriyanıñ şarqiy toprağına keri qayta… Anda da olarnı alacaqmız”, – dep qayd etti o.

Keçenlerde Ukrain İİN haber berdi ki, Qara deñizde minağa qarşı tedbirler muntazam tarzda keçirilir. Çünki içtimaiy gemilerge mania olmaq içün Rusiye bazıda minalarnı qullanır. Ukraina öz akvatoriyasını kontrol etkenine baqmadan, rus uçaqları avada faal olıp tura, de ukrain askerleri ayttılar.