Aluştada rus tezavucılarına topraq parçalarına ilk sertifikatlarnı berdiler

28 Aprel 2023

Aluşta şeeriniñ işğal akimiyeti, “mahsus cenk ameliyatı”nıñ iştirakçilerine topraq parçalarını berüv aqqında ilk emirlerni berdi. Qırım.Aqiqat bu aqqında haber berdi.

127 rus askeriniñ aqrabaları, topraq vesiqalarını aldılar.

Telegramda şeerniñ işğal memuriyetiniñ başı Halına Ohnyeva, maqbul emirlerni berüvnen fotoresimni yayınladı.

2022 senesi ilk qış ayında Qırımnıñ rus parlamenti, Ukrainağa qarşı cenkniñ Qırımdan iştirakçilerine topraq parçalarını bedava bermege izin berdi.

Bu sene çiçek ayınıñ 7-sinde belli oldı ki, rusiyeniñ kontrol etkeni Qırımnıñ akimiyeti, Ukrainağa qarşı cenkniñ iştirakçilerine topraq parçalarını berüv aqqında emirlerni bermege başladı. Birinci basamaqta, rus KHVnıñ bilgilerine köre, 56 gektarlıq 511 topraq parçası azırlandı. Olar, Saq rayonındadır.