Akmeçit rayonında yerli meclis azaları saylandı

15 Aprel 2012

2012 senesi aprel 7 künü umumiy, musaviy ve doğrudan-doğru saylav uquqı esasında gizli rey berüv yolunen Aqmeçit rayonı yerli meclisleriniñ azaları saylandı.

O künü saba saat 8-de 16 saylav uçastkaları çalışıp başladı. Bularda Aqmeçit rayonındaki cedvelge alınğan 80 namzetten 9 yerli mecliske saylanacaq 53 adam içün rey berildi.

Ayrı eali noqtalarında saylavlar aqiqiy bayramğa çevirildi, qırımtatar milliy muzıka yañğıradı, binalarnı milliy bayraqlar yaraştırdı.

Tabıldı As (Medvedevka) köyünde saylavcılar içün pilâv ve kebab pişirildi, Tatar Çağaltay (Dalökoye) köyünde ise bediiy aveskârlıq ansambliniñ kontserti oldı.

Rey berüv neticelerine köre 2012 senesi aprel 8 künü sabasına saylavlar er yerde oldı. Saylavcılarnıñ faalligi, Aqmeçit qasabasında 48 fayız Gromovka köyünde ise 95 fayıznı, umumen region boyunca – 64 fayıznı teşkil etti.

Aqmeçit regionı meclis reisini saylav boyunca konferentsiyanı keçirüv müddeti Qırımtatar halqı öz-özüni idare etüv milliy organları boyunca nizamnamege binaen Qırımtatar halqı Meclisi tarafından belgilenecek.