Advokat Ladinniñ litsenziyasını alıp çıqarmağa isteyler

18 Oktâbr 2023

Qırım işğal politsiyası, ukrain siyasiy mabüslerini qorçalağan ve keçenlerde tevqif etilgen advokat Oleksiy Ladinni uquq faaliyeti litsenziyasından marum etüv ricasının hitap etti.

İşğal İçki işler nazirliginiñ matbuat relizinde bu malümat bildirdi, dep Suspilne Qırım haber berdi.

Ladinni litsenziyadan marum etmek içün politsiyanıñ qaysı tedbirlerni keçirgeni qayd etilmedi.

“Mediazona” neşiri bildirdi ki, terkibinde bulunğanı tek bölge palatasınıñ eyyeti, advokatnıñ areketlerinde intizam bozmalarınen bağlı meselelerni çeze bilir. Ladin işinde ise Tümen vilâyet salatası aqqında laf etemiz. Başqa müesseseler, tek böyle rica ete bilirler.

Hatırlatamız ki, orta küz ayınıñ 13-ünde Aqyardaki dairesi tintilgen soñ Oleksiy Ladin tutuldı. Bundan soñ yasaqlanğan timsallerni kösterüv davasında (RF CMQniñ 20.3. maddesiniñ 1. qısmı) makeme, onı 14 künge tevqif etti.