7 sene – işğalciler Appaz Qurtametke üküm çıqardılar

24 Aprel 2023

rusiyeniñ kontrol etkeni Aqmescitteki Kıyiv rayon makemesi, qırımtatar Appaz Qurtametni 7 senege maküm etti. Çiçek ayınıñ 21-inde “Qırım ceryanı” uquq qorçalayıcı leyhası bu aqqında haber berdi.

– Aqmescitteki Kıyiv rayon makemesiniñ makemecisi Oksana Karçevska, qırımtatar Appaz Qurtametke qarşı cinaiy davada üküm çıqardı. O, “Qırım” göñülli batalyonınıñ azasına sanki para yolladı. Makemeci onı qabaatlı olaraq tanıdı ve ilk sene apishanede ve qalğan 6 sene şiddetli rejimli müstemlekede (umumen 7 sene) keçirmege maküm etti, – Qırım.Aqiqat yazdı.

Keçenlerde bildirildi ki, rus prokurorı Qurtamet içün 10 senelik üküm talap ete edi.

Qırımtatar Milliy Meclisiniñ başı Refat Çubarovnıñ tefsirinde yazıldı ki, “işğal akimiyetiniñ yapqanı qanunsızlıq Appaz Qurtametniñ davasında mevcuttır”.

– Aniden cemaatta telâş ve şaşqınlıq tarqatmaq ve işğalnen razı olğan, qarşılıq ve blok yapqan er keske ahtıman almaq olar, onlarca insan tutıp, eñ şiddetli cinayetlerde (ayrıca arbiy şekillendirmelerge ait oluv) qabaatladılar. Aynı zamanda olar, öz rus qanunlarını riayet etmediler, insanlarnı alıp hırsızladılar ve kimni tutqanlarını aqrabalarına aytmadılar, – dep Çubarov qayd etti.