4 aylıq esirlik – rusiye, qırımtatar qadınınıñ “qırmızı” pasportı olmağanı içün onı esirlikte tuta

12 Aprel 2023

2022 senesi ilk qış ayından berli rusiyede 25 yaşındaki qırımtatar qadını Leniye Umerova tutula. Qızğa qarşı bir qaç memuriy protokor yazıldı. 

Qırım uquq qorçalayıcı gruppası bu aqqında haber berdi.

2022 senesi ilk qış ayınıñ 4-ünde 25 yaşındaki Leniye Umerova, onkologiyanen hasta olğan babasınıñ sağlıq vaziyeti yaramaylaşqanı sebebinden Kıyivden işğal etilgen Qırımğa ketmek lâzim edi.

Gürci-rus sıñırını keçken soñ rus quvetçileri Leniye Umerovnı rejim zonasınıñ qaidelerini sanki bozğanı içün tuttılar. Saban ayınıñ 16-sına qadar Vladikavkaz yanındaki Ecnebiy vatandaşlar içün vaqtınca tutuv merkezinde Leniyeni tuta ediler. Şeer etrafındaki rayon makemesi qıznı “devlet sıñırınıñ rejimini bozğanı içün” (RF CMQniñ 18 maddesiniñ 1. qısmı)qabaatlı olaraq tanıdı ve oña 2 biñ rublelik ceza berdi.

Saban ayınıñ 16-sında gece maalinde Leniye Umerovnı ecnebiy vatandaşlarnı tutuv merkezinden azat ettiler. Faqat bundan soñ qıznıñ añlatqanına köre, araba qapısı yanında 4 adamnen bir maşna onı bekledi. Olar onı tuttılar, başına bir paket taqıp, Vladikavkaznıñ bellisiz rayonına ketirdiler ve anda qaldırdılar. Deyerli şu anda politsiya onı tuttı. Qız, onı tutuv sebebini sorağan vaqıt politsiya işçileriniñ emirlerini riayet etmeme aqqında protokol oña qarşı yazdılar. Lenin rayon makemesi oña memuiry ceza berdi – 15 künlik tevqif.

Umerova ITTde bulunğanda oña qarşı aynı bir protokol yañıdan yazıldı: qız politsiyacılarğa öz cep telefonını bermege sanki red etti. Saban ayınıñ 27-sinde aynı makeme oña yañıdan 15 künlik tevqifni berdi. Leniyeni Beslan şeerindeki İTTge ketirdiler.

Çiçek ayınin 9-ında qızğa qarşı politsiyacılarnıñ emirlerini sanki riayet etmegeni içün yañıdan yazdılar. Çiçek ayınıñ 11-inde Vladikavkaz şeerindeki Soviet makemesi qızğa 15 künlik tevqif berdi.

– Qıznı bu memuriy tevqifler vastasınen tutalar. Bu, siyasiy maqsatlı taqipler ve sahte memuriy davalar olaraq tanına bilgne ciddiy bozmalardır. Qorqam ki, bu memeuriy tevqifler vastasınen sahte cinaiy dava açmaq maqsadınen qıznı epislikte tutalar, – dep QUGnıñ idaresiniñ başı Olha Skrıpnık ayttı.

– Onıñ yapqanı tek “cinayet” – Qırımnda doğğan soñ rus pasportını almadı. Halqara uquqnıñ qaidelerini bozaraq, terrorcı bir devlet qabaatsız insan olğan 25 yaşındaki qız – Ukraina vatandaşını epislikte tuta. Men lâqaytsız içtimaiy faalciler, uquq qorçalayıcı teşkilâtlar, devlete akimiyeti organlarını Leniyeni esirlikten azat etmege yardım etmege çağıram, – dep ağası Aziz Umerov cemaatqa muracaat etti.