2014 senesinden başlap rus ordusına 44,5 biñ Qırım sakini mobilizatsiya etildi

20 Dekabr 2023

2014 senesi Qırımnıñ işğalinden başlap 44 005 yerli sakin, rus ordusına mobilizatsiya olundı. Bundan ğayrı, “mobilizatsiyadan qaçqanlar”ğa qarşı deyerli 500 cianiy dava açıldı.

Vekillik ve Qırım Platforması Ofisiniñ 2022-2023 seneleri faaliyetine bağışlanğan matbuat konferetsiyasında Ukraina prezidentiniñ QMCdeki daimiy vekili Tamila Taşeva bu aqqında haber berdi.

“Yarımadada sanki mobilizatsiyadan qaçqan insanlarğa qarşı 497 cinaiy dava açıldı. Kerçekten de kiçik aynıñ 24-ünden soñ umumiy sayıdan 185-i, yani 37%-i, mesüliyetke çekildi. Yani insanlar, qanunsız mobilizatsiyadan qaçmağa tırışalar, ve böylece olarnı mesüliyetke çekeler”, — dep qayd etti o.

Bundan ğayrı, Prezidentniñ Vekilligi, rusiyeniñ Ukrainağa tolu miqyaslı tecavuzı başlağan soñ mobilizatsiya olunğan insanlarnıñ tahminiy sayısını añlamaq içün yarımadada cenaze merasimleri ve topraq berüv ceryanına nezaret ete.

“Şu cümleden, topraq berüv ceryanına nezaret eterek, mobilizatsiya olunğan insanlarnıñ sayısına köre. Çünki anda işğal memuriyetinin qararına köre mobilizatsiya olunğan insan imtiyaz ya da topraq ala bilir. Böylece, mobilizatsiya olunğan insanlarnıñ tahminiy sayısı nı ayta bilemiz”, — dep Taşeva qoştı.