107 insan “Hizb ut-Tahrir”ge ait olğanı” içün taqip fedası oldı

16 Yanvar 2024

Qırımnıñ deyerli 10 senelik işğali devrinde 107 insan “Hizb ut-Tahrir”ge sanki ait olğanı” içün taqip fedası oldı, olarnıñ çoqusı qırımtatarlardır.

“Kreml siyasiy mabüsleri: Rusiyeniñ apishanelerde tutqanı ukrainalılarnıñ vaziyeti nasıl?” matbuat konferentsiyası çerçivesinde “QırımSOS” CTnıñ analitikacısı Yevhen Yaroşenko böyle bilgiler bildirdi.

QırımSOSnıñ bilgilerine köre, işğalciler “Hizb ut-Tahrir”ge ait olmaqta qabaatlanğan eñ az 107 insannı taqip eteler. Tintüvler vaqtında faalcilerge edebiyat gizlen qoyalar, diniy ve siyasiy mevzulı laflarnı gizlen diñleyler (fsbnen işdeşlik yapqan mütehassıslar olarnı añlatalar) ve “gizli şaatlar”nı celp eteler (makeme ceryanlarınd olarnıñ bilgilerini bildirmeyler). Tevqiflerniñ coğrafiyası kenişley: tevqif etilgen insanlarnı Başqırtistan, Şmaliy Kavkaz, PrıUral, Çelâbinsk vilâyet ve Krasnoyarsk krayğa etap eteler. 

“QırımSOS” CTnıñ analitikacısı, taqip etilgen insanlarnıñ beş gruppasını belgiledi:

• ukrain taraflı faalciler ve jurnalistler;
• qırımtatar faalcileri (ayrıca din sebebinden olarnı taqip eteler);
• uquq qorçalayıcı ve içtimaiy faalciler (olar arasında “Qırım birdemligi”niñ erbapları);
• cenkke qarşı nazar noqtasınen vatandaşlar ve yañı işğal etilgen topraqlardaki qırımtatarlar;
• mustaqil advokatlar.