Qırımtatar Milliy Meclisiniñ vekilleriniñ Türkiye tış işler nazirinen körüşüvi

31.05.2025

Cuma künü, mayısnıñ 30-da, Kıyivde qırımtatar halqınıñ milliy lideri Mustafa Cemilev, Qırımtatar Milliy Meclisiniñ reberligi ve azaları Refat Çubarov, Nariman Celâl, İlmi Umerov, Ahtem Çiygöz, Eskender Bariiev, Riza Şevkiyev, Ukrayina Prezidenti yanında Ukryainanen arap ve musulman devletleri arasındaki munasebetler meselesinde mesleat şurasınıñ kâtibi Snaver Seythalilev, Qırım milliy varlıq fondunıñ reisi Lenur Mambetovnen Türkiye Cumhuriyetiniñ tış işler naziri Hakan Fidan ve onı Ukrayina ziyareti vaqtında beraberlikte ketirgen resmiy şahıslarnen körüşüv olıp keçti.

Körüşüv iştirakçileri Rusiye-Ukrayina cenki ve işğal etilgen Qırımdaki vaziyetnen bağlı bir sıra meselelerni muzakere ettiler.

Türkiye Cumhuriyetine Ukrayina devletiniñ topraq bütünligi ve suverenitetine qol tutqanı, qırımtatar halqınıñ aqlarını qorçalağanı içün samimiy minnetdarlıq bildirip, Meclis vekillerine Türkiye tış işler naziri Hakan Fidannıñ diqqatını Qırımtatarlarnıñ bazar noqtası deñişmegenine celp ettiler. Qırım tamır qırımtatar halqınıñ vatanı ve aynı zamanda Ukrayina devletiniñ ayırılmaz parçasıdır. Böylece, Qırımnıñ taqdirini tek Ukrayina devleti ve tamır qırımtatar halqı belgileycek.

Körüşüv devamında Rusiye işğalcileriniñ qırımtatarlar ve qavmiy ukrayinlerge nisbeten yapqanları taqip ve basqılar meselesine ayrıca diqqat ayırıldı. Siyasiy sebeplerden qabaatlanıp taqip etilgen ve azatlıqtan marum etilgen Qırım sakinleri – Ukrayina vatandaşlarını azat etmek içün bir sıra teklifler seslendirildi.

Körüşüvniñ soñunda iştirakçiler muntazam körüşüvlerniñ devam etilmesini istegenlerini bildirdiler.