Oraza Bayramıñız hayırlı olsun!

30 March 2025

İslâm dinini kütken ürmetli semetdeşlerim!

Aziz dostlar ve arqadaşlarım!

Sevgili qırımtatar halqı!

Muqaddes Ramazan ayı meramet, bağışlav, maneviy yañılanuv ayınen sağlıqlaşuv kederi mubarek Oraza bayramndanı kelgen quvançnen qarşılaşqan soñ, soñuna keldi.

2014 senesi kiçik ayda Qırımnıñ Rusiye tarafından işğalinden soñ başlanğan Rusiye-Ukraina cenki şaraitinde Ukraina musulmanları on eki yıl devamında Ramazan ayını tutalar ve Oraza Bayramını qayd eteler.

Rusiye işğalcileriniñ tamır qırımtatar halqına qarşı yapqanları sert repressiyalar ve taqipler olarnıñ iradesini bozmadı ve Rusiye işğalcilerine boysunmağa mecbur etmedi.

Ukraina havfsızlıq ve mudafaa quvetleriniñ biñlernen musulman arbiyleri farqlı millet ve dinlerge mensüp Ukraina vatandaşlarınen beraber Ukrainanıñ suvereniteti ve topraq bütünligini qorçalap turalar.

Rusiye apishaneleri ve müstemlekelerinden yüzlernen Qırım siyasiy mabüsi bozulmay ve menligini saqlap qala, böylece Rusiye işğaline qarşılıq köstergen, öz toprağı ve Ukraina devletine sadıq qalğan yüz biñlernen Qırım sakinine maneviy küç ve destek bere.

Yüce Allağa Ukrainanıñ ğalebesi, ukrain askerleriniñ ayatınıñ saqlanuvı ve Kreml mabüsleriniñ azat etilmesi, Rusiye işğalcileriniñ Qırımdan ve işğal etilgen diger ukrain topraqlarından sürgün etilmesi, qırımtatar halqınıñ öz vatanında – Qırımda bahtlı kelecegi içün dua etemiz.

Qırımtatar Milliy Meclisi ve şahsen öz adımdan sizlerni Oraza Bayramınen hayırlayım.

Oraza Bayramıñız hayırlı olsun!

Refat Çubarov

Qırımtatar Milliy Meclisiniñ reisi

2025 senesi saban ayınıñ 30-ı

Kıyiv ş.