Qırımtatar Milliy Meclisiniñ Prezidiumınıñ Rusiye Federatsiyası tarafından vaqtınca işğal etilgen Qırım Muhtar Cumhuriyeti ve Aqyar şeeri toprağını Moskvada akkreditatsiya etilgen Burundi Cumhuriyeti, Gvineya Cumhuriyeti ve Çad Cumhuriyeti elçileriniñ qanunsız ziyaretine dair beyanatı

29.07.2025
Qırımtatar Milliy Meclisiniñ Prezidiumınıñ Rusiye Federatsiyası tarafından vaqtınca işğal etilgen Qırım Muhtar Cumhuriyeti ve Aqyar şeeri toprağını Moskvada akkreditatsiya etilgen Burundi Cumhuriyeti, Gvineya Cumhuriyeti ve Çad Cumhuriyeti elçileriniñ qanunsız ziyaretine dair beyanatı

İşğalli rusiye teşviqatı menbalarınıñ bildirgenine köre, 2025 senesi oraq ayınıñ 28-nde Rusiyeniñ vaqtınca işğal etken Qırım toprağına qanunsız şekilde Burundi Cumhuriyeti, Gvineya Cumhuriyeti ve Çad Cumhuriyetiniñ Moskvada akkreditatsiya etilgen elçileri keldiler.

Moskvada akkreditatsiya etilgen Burundi Cumhuriyeti, Gvineya Cumhuriyeti ve Çad Cumhuriyetiniñ elçileriniñ vaqtınca işğal etilgen Qırımğa qanunsız ziyaretleri halqara uquq qaideleriniñ, şu cümleden BMTnıñ nizamnamesiniñ qaba bozuluvıdır. O, bütün aza devletlerni diger devletlerniñ suverenitetini, siyasiy mustaqilligini ve topraq bütünligini ürmet etmege mecbur ete.

Bu kibi areketler BMTnıñ Baş Assambleyasınıñ Ukrayinanıñ topraq bütünligine qoltutqan bir çoq qararına zıt kele, şu cümleden Gvineya ve Çad tarafından qabul etilgen, Rusiye Federatsiyasınıñ istilâsını takbih etken ve Qırımnıñ Ukrayinanıñ ayırılmaz parçası statusını tasdıqlağan qararlarğa zıt kele.

Rusiye Federatsiyasınıñ Burundi Cumhuriyeti, Gvineya Cumhuriyeti ve Çad Cumhuriyetiniñ ükümetlerini, olarnıñ Moskvadaki diplomatik vekillerini Qırımnıñ qanunsız işğali ve ilhaq ıntıluvlarını qanuniyleştirüv aleti olaraq qullanıp, BMTnıñ nizamnamesini bozmağa teşviq etmesi hususan tsinik körüne.

Qırımtatar Milliy Meclisiniñ Reisi bildirdi ki, böyle areketler tek Burundi Cumhuriyeti, Gvineya Cumhuriyeti ve Çad Cumhuriyetiniñ diplomatik hızmetlerini itibardan tüşürmekten ğayrı, bu devletlerni Rusiye Federatsiyasınıñ Ukrayina ve tamır qırımtatar halqına qarşı yapqan halqara cinayetleriniñ iştirakçileri olaraq tanıdı.

Qırımtatar Milliy Meclisiniñ Reisi Burundi Cumhuriyeti ve Çad Cumhuriyetiniñ akimiyet organlarınıñ diqqatını, olarnıñ elçihaneleriniñ, Qırımdaki rusiye işğalcileri tarafından tamır qırımtatar halqına qarşı yapılğan basqılar ve taqiplerni qanuniyleştirmek maqsadınen qullanılmasına celp ete.

Qırımtatar Milliy Meclisiniñ Reisi Burundi Cumhuriyeti, Gvineya Cumhuriyeti ve Çad Cumhuriyetiniñ azaları olğan halqara teşkilâtlarnı halqara uquq qaideleriniñ, şu cümleden BMTnıñ Nizamnamesiniñ bozuluvını takbih etmege çağıra.

Qırımtatar Milliy Meclisiniñ Reisi

Refat Çubarov

2025 senesi oraq ayınıñ 29-ı

Kıyiv ş.