Halqara tamır halqları kününe davet etemiz!

03.08.2025

Arman ayınıñ 9-nda M.M. Ğrışko adına milliy nebatat bağçasında Halqara tamır halqları kününe bağışlanğan festival keçirilecek. Saat 3-ten 8-ge qadar Bağçada medeniyet, yaratıcılıq, hatıra ve ananelerniñ küçüni birleştirecek mahsus tedbir ötkerilecek.

Programmada – “Hatıra saqlanması: Ukrayina tamır halqlarınıñ mirası” adlı munaqaşa, ananeviy qırımtatar muzıkası ve oyunları kontserti, viktorina ve til işhanesi.

Bütün vaqıt devamında çalışacaq:

• ustalıq dersleri alanı;

• balalar alanı;

• ustalarnıñ yarmalıqları.

“Serbest Qırımğa mektüpler” adlı bir yer olacaq, anda istegen er kes Rusiye apishanelerinde tutulğan siyasiy mabüslerge qoltutuv sözlerini yaza bile.

Bu künleri, Kıyiv ve bütün Ukrayina kene de ateşten zarar körgende, biz bayram aqqında aytmaymız. Biz umumiy hatıra ve bir-birine destek aqqında aytamız. Tamırlar küç bere. Adetler qalqanğa çevirilgeni aqqında. Er şeyge qarşı yaşağan medeniyet aqqında.

Teşkilâtçılar: Qırımtatar Milliy Meclisi, Ukrayina Prezidentiniñ Qırım Muhtar Cumhuriyetindeki Temsilciligi, Ukrayina Qavmiy siyaset ve vicdan serbestligi devlet hızmeti, “Qırım evi” devlet müessisesi ve Qadın Divanı teşebbüsi.

Ortaqlarnıñ desteginen – Qırım milliy varlıq fondu, “Qırım cebesi” Birleşken teşebbüsi, M.M. Ğrışko adına Milliy nebatat bağçası, Qırım musulmanları diniy idaresi, em de QırımVox, QırımMedia ve CrimeaDaily haber desteginen.

Tedbirde bedava iştirak etmek içün evelden BAĞLANTI vastasınen qayd etmek kerek.

Sizni de qoşulmağa davet etemiz! Birlikte olmaq içün keliñiz! Hatırlamaq, desteklemek ve saqlamaq içün!