Ramazan bayramı munasebetinen Türkiye 1300 ukrayinalı ailege aşayt yardımını berdi

11.03.2026

Saban ayınıñ 10-nda Kıyivde Türkiye Cumhuriyetinden aşayt yardımını berdiler. Aktsiya çerçivesinde, Türkiye İşbirlik ve Koordinatsiya Agentliginiñ (TİKA) gumanitar teşebbüsi çerçivesinde, Ukrayinanıñ çeşit köşelerinden 1300 qorantağa Ramazan bayramı munasebetinen aşayt malları berilecek.

Tedbirde TİKAnıñ Ukrayinadaki koordinatorı Yahya Kemal Tunca, Qırımtatar Milliy Meclisiniñ reisi Refat Çubarov, Qırım Milliy Varlıq Fondınıñ reisi Lenur Mambetov, Qırım musulmanları Diniy idaresiniñ baş müftisi Ayder Rustemov, meshetin ve gagauz türkleriniñ vekilleri iştirak ettiler.

Yardım, hususan, Kıyiv, Lviv, Lutsk, Odesa, Harkiv ve Çerniğiv vilâyetlerinde yaşağan qırımtatarlar, gagauz, meshetin türkü ve ukrayin qorantalarına berilecek. Er bir qorantağa kerekli şeyler berilecek.

Refat Çubarovnıñ QIRIM.Media saifesinde qayd etkenine köre, Türkiye tarafından yardım aktsiyası er yıl olıp keçe ve Ukrayinağa qoltutuv ve birdemlik köstermek içün pek müimdir:

“Er yıl Türkiyeniñ çeşit devlet agentlikleri, hususan TİKA, insanlarğa gumanitar yardım ete. Böyle gumanitar teşebbüslerden biri Ukrayina musulmanları içün pek müim bir ay olğan Ramazan künlerinde ola. Bu, ortaqlarımız, qomşularımız ve hususan Türkiyeniñ adalet tarafında, serbestligini saylağan ukrayin halqınıñ tarafında olğanını köstere”.

Teşebbüs, memleket içün qıyın vaqıtlarda ealini desteklemek maqsadınen yapılğan ve cemaatlarnıñ aktual ihtiyaclarına köre amelge keçirile.