Yarım sene devamında ruslar eñ az elli qırımtatarnı qanunsız olaraq tuttılar

17 Iyül 2023

2023 senesiniñ birinci yarısı devamında Qırımtatar maaliy merkeziniñ uquq qorçalayıcıları qayd ettileri ki, vaqtınca işğal etilgen Qırımda 66 qırımtatar qanunsız olaraq tutuldı.

Qırımtatar maaliy merkeziniñ vaqtınca işğal etilgen Qırımda insan aqlarınıñ bozamalarınıñ talilinde mezkür malümat bildirildi.

Merkezniñ bilgilerine köre vaqtınca işğal etilgen yarımadada tutulğan insanlarnıñ umumiy sayısı 101 insandır. Olar aralarında:

• “Noman Çelebicihan adına batalyonı” davasında 8 insan;
• “Hizb ut-Tahrir” davasında 6 qırımtatarnı ve “Yehovanıñ şaatları” davasında bir adam;
• “halq ögünde aşırıcılıq faaliyetine çağıruvlar; terrorcılıq faaliyetine yardım etüv” sebebinden 3 insan;
• “gizli şartlarda ecnebiy ülkenen işdeşlik” ve “devlet hainligi” sebebinden Qırımnıñ 8 sakini;
• “rf siâlı quvetlerini itibardan tüşürüv” sebebinden 11 insan;
• qara qış ayınıñ 25-inde vaqtınca işğal etilgen Qırımda “makeme” binası yanında 34 insan;
• “politsiyanıñ emirlerini riayet etmegenleri içün” eki – qırımtatar faalcisi Abdureşit Cepparov ve 53 yaşındaki qırımtatar Eldar Mensitov;
• 8 insan – böyle degen “Qırımda terraktnıñ azırlanması davası”nda;
• 7 insan sebepsiz tutuldı.

Qayd etildi ki, 2022 senesi aynı müddet devamında 79, 2021 senesi ise 156 insan tutuldı.