Yanvar 18-de Varşavada qırımtatarlarnıñ bugünki vaziyetine bağışlanğan matbuat konferentsiyası olacaq

15 January 2013

Hatırlatamız ki, yanvar 1-den başlap Poloniyada uquqqoruyıcılar ve antikommunistler tarafından “Qırımda fesatqa yol berilmesin! Kosovo faciası tekrarlanmasın!” aktsiyası devam ete.

Matbuat konferentsiyası teşkilâtçısı, “Solidarność Walcząca” areketi Şarq bölüginiñ sabıq azası Petr Hleboviçniñ bildirgenine köre jurnalistlernen körüşmege Qırımda qırımtatarlarğa nisbeten rusiyeli fesatçılarnıñ provokatsiyaları sebep oldı.

Belli ki, Petr Hleboviçniñ teşebbüsine köre yanvar 1-den başlap Poloniyada uquqqoruyıcılar ve antikommunistler tarafından “Qırımda fesatqa yol berilmesin! Kosovo faciası tekrarlanmasın!” aktsiyası başlandı.

Aktsiya iştirakçileri Ukraina Prezidenti, Ukraina Yuqarı Şurası, bunıñ kibi de halqara cemaatçılıq ve OSCE devletlerine ” STOP prowokacjomna Krymie!” Muracaatını yolladılar. Muracaat Qırımda keçken sene dekabr ayında qırımtatarlarğa nisbeten yapılğan fesat munasebetinen qabul etildi.

Muracaatnıñ altında Poloniyanıñ 200=den ziyade körümli erbapları imzalarını qoydılar. İmza toplav devam ete. Poloniyanıñ İçki işler nazirliginiñ sabıq naziri Yadviga Hmelövska alıp baracaq matbuat konferentsiyasında Meclis tışqı alâqalar bölüginiñ başı Ali Hamzin iştirak etecek.