Volodımır Zelenskıynıñ Ukraina devletçiligi künü munasebetinen hayırlavı
![Volodımır Zelenskıynıñ Ukraina devletçiligi künü munasebetinen hayırlavı](https://qtmm.org/wp-content/uploads/2024/07/36106c79b5c95da4a47acd8787de96f9_1721022379_extra_large.jpeg)
Foto: president.gov.ua
Ukraina Prezidenti Volodımır Zelenskıy, Ukraina devletçiligi kününe bağışlanğan muracaatını yayınladı. Prezidentniñ saytında muracaatı yayınlandı.
– Bugün Ukraina devletçiligi künü, Rus-Ukrainanıñ vaftizi künü, biz Ukrainanıñ keçkeni yolnı hatırlaymız, ve bütün ğayretlerimiznen Ukrainanıñ ğalebe qazanmaq kerekligi cenkke toplaymız. Bu küreş – bizim mustaqilligimiz içündir. Kelecek nesillerge bu mustaqillik qalsın dep. Onıñ içün küreşmemeleri degil, miras almaları içündir. Olarğa acı degil, Ukraina içün ğurur bermemiz içündir. Ukraina devletçiligi künü hayırlı olsun! Ukrainanen beraber qalğan er keske teşekkür bildirem! – dep Volıdımır Zelenskıy ayttı.
Ukraina devletçiligi künü Ukraina Prezidentiniñ 2021 senesi arman ayınıñ 24-nde 423/2021. emrinen kirsetildi. O, Ukraina Mustaqilliginiñ 30 seneligine, Kıyiv Rus-Ukrainanıñ Vaftiz kününe bağışlanğan tantanalı tedbirlerde imzalandı.
Bu sene Ukraina devletçiligi künü, tavqim islâsı sebebinden ilk kere oraq ayınıñ 15. künü qayd etile.