Qırımtatar milliy areketiniñ faalcisi Gülіzar Abdullayeva vefat etti

09 March 2025

2025 senesi saban ayınıñ 9-nda işğal etilgen Qırımda qırımtatar milliy areketiniñ faalcisi, bir qaç nesil gençlerni ana tili ve medeniyetine sevginen terbiye etken pedagog, oca Gülіzar Abdullayeva 78 yaşında vefat etti.

Gülzar-oca 1947 senesi bozarğan aynıñ 12-de ana-babası sürgün etilgen Andijan vilâyetiniñ (Özbekistan) Ayim qasabasında doğdı. O, Abdulcemil ve Mahfure Mustafayevlerniñ altıncı balası edi, olarnıñ yedi balası doğdı ve terbiye etildi, soñra olar qırımtatar milliy areketiniñ faal iştirakçileri oldılar.

Gülzar-oca, Samarqand devlet universitetinde ingliz tili ocalığı derecesini alıp, mezun oldı.

1976 senesi qorantasınen beraber Qırımğa qaytıp, Qarasuvbazar rayonınıñ Zuya köyünde yerleşti. Amma 1979 senesi Cemilevlerniñ üç qorantası – Gulizar özü, onıñ qız qardaşı Dilâra ve olarnıñ babası Abdulcemil-ağa – Qırımdan Krasnodar ülkesine sürgün etildi. Tek 1989 senesi olar vatanlarına qaytıp oldılar.

Yıllar devamında Gülіzar Abdullayeva özüni ingliz tiliniñ ögretüvine bağışlap, Bağçasaray şeerindeki qırımtatar mektebinde ve Büyük Süyren (Tankove) qasabasında istedadlı balalar içün internat mektebinde çalışa edi. Onıñ yorulmaz emekligi, aqıl ve işine samimiy sadıqlığı onıñ talebeleri, zenaatdaşları ve onı şahsen tanığan er kesniñ hatırasında qalacaq.

Gülizar-ocanıñ tuvğanları ve yaqınlarına, onıñ çoq sayılı talebelerine, bütün semetdeşlerine tüzetilmez ğayıp içün samimiy taziyelerimizni bildiremiz.

Gulizar-ocanıñ qardaşlarına – Asan-ağa, Vasifiye-abla, Mustafa-ağa Cemilev, Dilâra-ablağa – samimiy taziyelerimizni bildiremiz.

Gülizar-ocanıñ cenazesi saban ayınıñ 10-nda saat 14:00-te Bağçasaray şeerindeki Han Çayır mikrorayonınıñ camisinde keçirilecek.

Allah rahmet eylesin!

Qırımtatar Milliy Meclisiniñ azaları,

Qırımtatar Milliy Qurultayınıñ delegatları ve

Qırımtatar milliy areketiniñ faalcileri.