Qırımtatar tilinden onlayn-imkâ olıp keçti

21.02.2026

Kiçik aynıñ 21-nde Halqara ana tili künü munasebetinen qırımtatar tilinden ananeviy onlayn-imlâ olıp keçti, bu endi Qırım ve onıñ tışında ana tilini sevgenler içün er yıl keçirilecek bir adet oldı.

Bu sene şair, terciman ve muarrir Mayye Abdulganiyeva meşur qırımtatar yazıcısı ve şairi Şakir Selimniñ metnini oqudı. Adet üzre tedbirde onlarca iştirakçi iştirak etti. Qırımtatar Milliy Meclisiniñ Kıyivdeki ofisi de teşebbüske qoşuldı. İştirakçiler arasında Meclis azası Gülnara Bekirova, Qırım MC ve Aqyar şeeri sakinleriniñ aqları vekâletlisi Elvin Kadırov, em de faalciler, ocalar, studentler, göñülliler ve Qadın Divanı cemaat teşkilâtınıñ vekilleri bar edi.

Onlayn format daa bir kere qırımtatar tiliniñ insanlarnı mesafe ve sıñırlarğa baqmadan birleştirgenini numayış etti. Bir çoq iştirakçi içün imlâ tek bilgi teşkerüvi degil de, Qırımniñ vaqtınca işğali şaraitinde ana tiliniñ saqlanması ve inkişafı içün müim timsal aktı oldı.

İmlânıñ metni Nefes leyhasınıñ saifelerinde derc etilecek, neticeleri ise teşkilâtçılar tarafından belgilengen saban ayınıñ 21-de beyan etilecek. İmlânı hatasız yazğan iştirakçiler mukâfatlarnen taqdirlenecek.

Böyle teşebbüslerniñ keçirilmesi, Ukrayina tamır halqınıñ tili olğan qırımtatar tiliniñ saqlanuvı ve inkişafına müim bir isse ola.