VI Milliy Qurultay Teftiş Komisyonınıñ Beyanatı

24 Yanvar 2014

VI MİLLİY QURULTAY TEFTİŞ KOMİSYONINIÑ

Aralıq 30-da olıp keçken toplaşuvında alınğan qararlarğa binaen

BEYANATI

1. Yerli meclislerge din cemiyetlerinen beraber areket etip, saylavcılarından er ay muntazam surette belli miqdarda para toplayaraq, öz bütçelerini meydanğa ketirmelerini, bu bütçe yardımınen yerli ihtiyaclarnı qarşılamalarını ve bütün masraflarından esabat bermelerini teklif etemiz.

2. Regional ve yerli meclisler ocaq ayınıñ sonuña qadar saylavcılarınıñ iştiraginen toplaşuvlar keçirmelerini ve yıllıq faaliyetlerinden esabat bermelerini, mümkün derecede bu toplaşuvlarda Milliy Meclis azalarınıñ ve yerli Qurultay vekilleriniñ iştirak etüvlerini teklif etemiz.

3. Er bir Milliy Qurultay vekili Milliy Mecliste olğan bir de bir idarege kirmesini, regional meclislerniñ azaları arasında Milliy Mecliste olğan er bir idarege bağlı, olarnen bağ tutqan, işbirlik qurğan kimseler tayin etilmesini teklif etemiz.

4. «Qırım» ve «Avdet» gazetelerine, «Armançıq» mecmuasına abune oluvnı rağbetlendirmek, er bir Milliy Qurultay vekiliniñ işbu neşirlerge abune oluvını teklif etemiz.

VI Miliy Qurultay Teftiş komisyonınıñ reisi

Ali Özenbaş