Mecliste Ukrainadaki türk teşkilâtlarınıñ vekillerinen iftar olıp keçti

18 March 2025

Saban ayınıñ 17-nde Kıyivde elçi Levent Bilgenniñ yolbaşçılığında Türkiye Cumhuriyetiniñ Ukrainadaki Elçihanesi temsilcileri davet etilgen iftar olıp keçti.

Musafirler arasında Türkiye Elçiliginiñ hadimleri, Türkiyeniñ TİKA işbirlik ve inkişaf agentligi ve Kıyivdeki Yunus Emre adına İnstitutnıñ reberligi, türk-ukrain iş birleşmeleriniñ vekilleri bar edi. Bundan ğayrı, Qırımtatar Milliy Meclisiniñ reisi Refat Çubarov, qırımtatarlarnıñ lideri Mustafa Cemilev, Meclis reisiniñ birinci muavini, Ukrainanıñ Türkiyedeki yañı tayin etilgen elçisi Nariman Celâl, Meclis reisiniñ muavinleri ve azaları, Qırım musulmanları diniy idaresiniñ müftisi Ayder Rustamov, Qırım milliy varlıq fondunıñ reisi Lenur Mambet ve başqaları bar edi.

İftar Qırımtatar Milliy Meclisi ve “Qırım cebesi” birleşken teşebbüsi tarafından teşkil etildi.

Qırımtatar Milliy Meclisinde kollektiv iftarlar aftada bir qaç kere Ramadan ayı devamında keçirile, er sefer farqlı faaliyet saalarınıñ vekillerini davet eteler.