Kıyivde Qırımtatar bayrağı kününi qayd etecekler

20.06.2025

Qırımtatar bayrağı künü –  qırımtatarlar on beş yıldır ilk yaz ayınıñ 26-da qayd etken bayramdır.

Altın tamğanen kök-mavı bayraq qırımtatar halqınıñ uzun tarihı devamında onıñ yanında bulunğan. Tamğa Qırım hanlığı zamanından berli bar, bayraq ise – 1917 senesi Birinci Qurultayından berli bar. Bayrağımıznen sürgünlik yerlerinden Qırımğa qaytqan edik. Bu bayraqnen sürgünlikte elâk olğanlarnı ürmet ete ve Vatanlarında öz aqlarını ğayrıdan tiklemek içün küreşe ediler. 2014 senesi kiiçik ayda qırımtatarlar onıñnen işğalcilerge qarşı çıqqan ediler, o, duşmanğa qarşı halqnıñ qarşılıq ve birliginiñ timsali oldı. O vaqıt qırımtatar bayrağı USQniñ askerleriniñ şevronlarında peyda oldı ve halqnıñ tuvğan eviniñ azatlığı içün uzlaşmaz küreşini tasdıqladı.

Qırımtatar bayrağı – birligimizniñ, kimligimizniñ ve Qırımnen ayırılmaz bağımıznıñ timsalidir. O, bizni dünyada tanıta. Bu, biz kim olğanımıznı er yerde hatırlatır. O, bizni er vaqıt evimizge – Qırımğa alıp kete.

Amma Qırımtatar bayrağı künü – bu, er şeyden evel, bayramdır, şunıñ içün bu sene Kıyivde epimiz onı açıq avada, muzıka, yır, oyunlar, yarmalıqlar, tatlılar ve eglencenen birlikte qayd etecekmiz. Tek qarşılıq ve küreşte degil, milliy bayrağımıznı qayd etüv ve ürmet etüvde de birleşelim. Sizni bekleymiz!

‼️ QIRIMTATAR BAYRAĞI KÜNÜNDE İŞTİRAK ETMEK İÇÜN QAYD ETÜV FORMASINI TOLDURMAQ KEREK: https://forms.gle/C7EGKjbkkVkKg3XU7 

⏰Tarih: ilk yaz ayınıñ 26-sı, saat 17:00de

📍Yer: Oleksandr Dovjenko adına Kinostudiya, Beresteyskıy caddesi, 44, Kıyiv 

📌Lokatsiya: Dovjenko bağçası

Bayram vaqtında Qırım cebesiniñ Ukrayina Silâlı quvetleri içün para toplamağa yardım etmek içün auksion ve ediye berüv keçirilecek, şunıñ içün siz de qoşulmağa ve ediye olaraq berilecek oltlarnı ketirmege davet etemiz.

Tedbirni Qırımtatar Milliy Meclisi, Qadın divanı, “Qırım evi”, Q-HUB, Qırım Milliy varlıq fondu, Qırım cebesi, Shum, CrimeaVox, Suspilne Qırım, Qırım Media ve Musafir restoranlar ağı teşebbüsinen teşkil ettiler.

Körüşkence!