Kıyivde Ukrayina tamır halqları kongressi olıp keçecek

27.11.2025

İlk qış ayınıñ 2-nde Kıyivde Ukrayina tamır halqları kongressi olıp keçecek. Tedbir qırımtatarlar, qaraylar ve qırımçaqlar kibi tamır halqlarınıñ vekilleri, arbiy hızmetçiler, cemaat erbapları, devlet akimiyeti organlarınıñ vekilleri, uquq qorçalayıcılar ve halqara ortaqlarnı birleştirdi.

Kongressniñ teşkilâtçıları arasında Ukrayina qavmiy siyaset ve vicdan serbestligi devlet hızmeti, Qırımtatar Milliy Meclisi, Ukrayina Prezidentiniñ Qırım MCdeki Temsilciligi, Qırımtatar Resurs Merkezi, “Ukrayina Qaraylar Birligi” CT ve qırımçaq halqınıñ vekilleri.

Ukrayina tamır halqları kongressinde iştirakçiler Rusiye istilâsı şaraitinde tamır halqlarınıñ şimdiligi ve kelecegini belgilegen esas meselelerni muzakere etecekler. Mevzular arasında – “Tamır halqları aqqında”Ukrayina qanunınıñ olarnıñ aqlarını yerine ketirmek içün temeli olaraq emiyeti; tamır halqlarınıñ sesini halqara boşluqta quvetleştirüv yolları – yerli küreşten global tanuvğa qadar; işğal ve kimlikni maqsatlı yoq etüv şaraitinde maddiy ve maddiy olmağan medeniy mirasnıñ saqlanmasınen bağlı çağıruvlar; qırımtatar, qaray ve qırımçaqlarnıñ qarşılaşqanları telükeler ve olarnıñ Ukrayinanı qorçalavğa qoşqan issesidir. Bu muzakerelerniñ maqsadı, cenk vaqtında ve ğalebeden soñ tamır halqlarına qol tutuvnıñ ilerideki siyaset ve mehanizmleri boyunca umumiy baqışnı meydanğa ketirmek.

Media içün akkreditatsiya: https://cutt.ly/ntt84ftP

Havfsızlıq maqsadınen, tedbirniñ keçirilmesi aqqında haber evelden akkreditatsiya etilgen jurnalistlerge berilir.

З міркувань безпеки місце проведення повідомлять акредитованим журналістам напередодні.