Kıyivde Ukraina milliy azlıqları (cemiyetleri) ve tamır halqlarınıñ forumı olıp keçe

21.05.2025

Bugün, mayısnıñ 21-nde, Kıyivde M.M. Gryşko adına milliy nebatat bağçasınıñ meydançıqlarından birinde Ukrayina milliy azlıqları (cemiyetleri) ve tamır halqları forumı keçirile.

Milletlerara razılıq ve medeniy çeşitlik kününiñ ilk qayd etilmesine bağışlanğan Forum şiarı altında qırımtatar, qaray ve qırımçaq tamır halqlarınıñ, Ukrayinanıñ onlarca milliy azlıqlarınıñ (cemiyetleriniñ) temsilcileri toplaştılar.

Forumnı Ukrayina Yuqarı Şurası Reisiniñ birinci muavini Oleksandr Korniyenko, Ukrayina Prezidentiniñ QMCdeki Daimiy Temsilcisi Olğa Kurışko, Ukrayina Nazirler Kabinetiniñ naziri Oleğ Nemçinov, Medeniyet ve strategik kommunikatsiyalar naziri Mıkola Toçıtskıy, Ukrayina Tele ve radioyayın meseleleri milliy şurasınıñ reisi Olğa Ğerasımyük, Ukraina qavmiy siyaset ve serbestlik devlet hızmetiniñ reisi Viktor Yelenskıy hayırlap başladı.

Bundan soñ milliy azlıqlar (cemiyetler) ve tamır halqlarınıñ vekilleri tarafından tantanalı ağaç eküv merasimi keçirildi. Teşkilâtçılarnıñ fikrine köre, bağça Ukrayinanıñ farqlı medeniyetleriniñ birligi, bir-birine sayğı ve umumiy tamırlarınıñ timsali olmaq kerek. Merasimde Qırımtatar Milliy Meclisiniñ reisi Refat Çubarov, Meclis azaları Riza Şevkiyev ve Eskender Bariiev, Qırım musulmanları Diniy idaresiniñ müftisi Ayder Rustemov, em de qırımtatar cemaat teşkilâtlarınıñ vekilleri iştirak ettiler.

Refat Çubarov öz çıqışında Rusiye-Ukrayina cenki arfesinde Ukrayina milliy azlıqları (cemiyetleri) ve tamır halqlarınıñ birleşmesiniñ müimligini qayd etti, ana Ukrayinanıñ qırımtatar, qaray ve qırımçaq tamır halqlarınen devamlı munasebetiniñ müimligini qayd etti, olarnıñ vatanı olğan Qırım Rusiye duşmanı tarafından işğal etilgen, azat etilgen Qırımda ukrayin siyasiy milletiniñ dostluğı ve birligini temsil etecek yañı bağçalar qurulacağına işanç bildirdi.

Haber yayınlanğan vaqıt forum devam ete.