Mayısnıñ 16-nda Kıyivde “1944” filminiñ mahsus taqdimi olıp keçti

17.05.2025

Mayısnıñ 16-nda “Jovten” paytaht kinoteatrinde Qırımtatar halqınıñ sürgünliginiñ 81 yıllığına bağışlanğan merasim olıp keçti, onıñ çerçivesinde “1944” vesiqalı filminiñ mahsus kösterilüvi olıp keçti.

Tedbir Ukrayina devlet gimni, Qırımtatar milliy gimni ve elâk olğanlar – 1944 senesi sürgünlik fedalarını ve rusiyege qarşı cenkte can bergen askerler hatırasına sükünet daqqasınen başlandı.

Film başlanmadan evel Qırımtatar halqınıñ lideri Mustafa Cemilev, Ukrayina Yuqarı Şurası reisiniñ birinci muavini Oleksandr Korniyenko, Qırımtatar Milliy Meclisiniñ reisi Refat Çubarov, Ukrayina Prezidentiniñ Qırımdaki Temsilciliginiñ malümat teminatı bölüginiñ reberi Yevgen Bondarenko, filmniñ stsenariyiniñ müellifi ve Kıyiv-Moğıla akademiyasınıñ “Qırım stüdyaları” Merkeziniñ müdiri Mavile Halil çıqışta bulundılar. Sergide Ukrayinada akkreditatsiya etilgen diplomatik missiyalarnıñ vekilleri, Qırımtatar halqınıñ vekilleri, cemaat sektorı ve Ukrayin arbiy hızmetçileri de davet etildi.

Tedbirniñ teşkilâtçıları: Qırımtatar Milliy Meclisi, NaUKMAnıñ “Qırım studiyaları” Merkezi, Ukrayina Prezidentiniñ Qırım Muhtar Cumhuriyetindeki Temsilciligi, “Qırım evi” Devlet müessisesi. Tedbirniñ ortaqları “Musafir” Qırımtatar yemekleri restoranları ağı, “Qırım cebesi” Birleşken teşebbüsi ve “Jovten” kinoteatrıdır.