Droğobıçta Qırımtatar medeniyet merkezi açıldı

14.05.2025

Mayısnıñ 14-nde Lviv vilâyetiniñ Droğobıç şeerinde Qırımtatar medeniyet merkezi açıldı. Merkez Qırımtatar cemiyetiniñ ve “İhsan — Щирість” CTnıñ ğayretinen açıldı. Qırımtatar Milliy Meclisiniñ reisi Refat Çubarov açılışqa onlayn şekilde qoşuldı.

Droğobıçtaki Qırımtatar cemiyeti 120-den çoq insandan ibaret.

Medeniyet merkezi, birinci qatı tamir etilgen tarihiy binada yerleşe. Merkez Danimarka Qaçaqlar Şurası, BMTnıñ Qaçaqlar Yuqarı Komissarlığı (UNHCR), NEEKA hayriye teşkilâtı, Droğobıç şeer akimiyeti ve şeer başı Taras Kuçmı ve Qırımtatar Milliy Meclisiniñ yardımınen quruldı.

Tedbir 1944 senesi Qırımtatar halqınıñ sürgünlik feldalarınıñ ve Rusiyenen cenkte Ukrayina serbestligini saylap, canını feda etken Ukrayin arbiyleriniñ hatırasına sükünet daqqasınen başlandı.

Refat Çubarov bütün Droğobıç cemiyetini medeniyet merkeziniñ açılışınen hayırladı ve müessiseniñ sürgünlikniñ 81 yıllığı arfesinde açılğanınıñ timsali olğanını qayd etti.

“Bu kibi qıyın vaqıtlarda ortaqlarımız, yardımcılarımız ve ittifaqdaşlarımızğa saip olmaq pek müimdir. Bu keşifni mümkün etken er keske teşekkürlerimni bildirem. Vatanımız — Qırım — on bir yıldır Rusiye işğali altında bulunğanına baqmadan, mında, qıtaiy Ukrayinada, Qırımnı terk etmege mecbur olğan Qırımtatarlar destek alalar, sıcaqlıq ve yardım duyalar. Şimdi, cenk vaqtında, Ukrayina havfsızlıq ve mudafaa quvetleriniñ arqasında Qırımtatarlar ukrayinler ve diger milletlerniñ vatandaşlarınen beraber Ukrayinanı qorçalaylar. Ukrayin siyasiy milletiniñ qurucılığı böyle keçe. Birlikte duşmanğa qarşı küreşemiz, çünki bilemiz ki, Ukrayina olmasa, Qırım da olmaz. Bütün topraqlarımıznı azat etip, Qırımğa qaytqanımızğa qadar, birlikte olmağa devam eteyik”.