Uydurılğan raqam – Refat Çubarov işğal etilgen Qırımdaki “saylavlar”nıñ neticeleri aqqında

09 Sentâbr 2024

Berim ayınıñ 9. künü vaqtınca işğal etilgen Qırımda böyle denilgen saylavlar olıp keçti. Qırımdaki rusiye işğalli akimiyetiniñ organları haber berdi ki, yarımadadaki böyle denilgen saylavlarda sanki “44,51%-i olğan 656 biñ insan iştirak etken”.

• Şübemiz yoq ki, “saylavlar” içün ayırılğan 3 kün devamında bu raqam uydurıldı. Eminmiz ki, rusiye işğalcileri büyük qıyınlıqlarnen ceza qorqusınen “saylav bölükleri”ne yalıñız bücet ve kommunal teşkilâtlarınıñ hadimleri, em de pensionerlerniñ bir qısmını celp ettiler. Qırımnıñ başqa sakinleri işğalcilerni Qara deñizniñ tübünde tot basqan “Moskva” Rusiye arbiy gemisiniñ yoluna yolladılar, dep Meclisniñ reisi Refat Çubarov bildirdi.