Uquq qoruyıcılar Ukrainanı İrına Danılovıçnı deñiştirüv cedveline kirsemtege çağıradılar

04 Iyül 2023

Bir sıra uquq qoruyıcı teşkilât, rus akimiyetinden Qırımda apis cezasına maküm etilgen içtimaiy jurnalist İrına Danılovıçnı azat etmesini talap etti, Ukrainanı ise onı deñiştirüv cedveline kirsetmege ve Rusige etap etilmesine yol bermemege çağırdı, dep Qırım.Aqiqat haber berdi.

Uquq qoruyıcılar, Danılovıç Aqmescitteki 1-nci SİZOda tutulğan 14 ay devamında mustaqil ekim tarafından tayin etilgen tibbiy yardım körmegenini iddia eteler ve bunı işkence ve insaniyetsiz munasebet olaraq tanıylar.

Bundan ğayrı  bildirildi ki, yaqın zamanlarda Danılovıç Qırım tışına – Rusiye Federatsiyasına etap etilecek ve böylece bütünley aqrabaları ve advokattan izolâtsiya etilecek.

Bunıñ içün uquq qoruyıcılar Rusiyeden Danılovıç ve işğal etilgen Qırım topraqlarında tutulğan diger ukrayin siyasiy mabüslerini azat etmesini, olarğa tibbiy yardım köstermesini ve taqiplerni toqtatmasını talap eteler.

Uquq qoruyıcılar, ukrain akimiyetini ise Danılovıçnı deñiştirüv cedveline kirsetmege ve onıñ azat etilüvi oğrunda küreşmege, siyasiy mabüslerniñ azat etilüvi mevzusını kün tertibinde tutmağa çağıralar.

Bundan ğayrı faalciler, halqara cemaatnı Rusiyeden Danılşovıçnı azat etmesini ve oña tibbiy yardım bermesini, siyasiy mabüslerni azat etüv/deñiştirüv ceryanında idareci olmağa, Danılovıçnıñ tevqifine ait olğan insanlarğa qarşı sanktsiyalar çıqarmağa ve vaqtınca işğal etilgen topraqlarnı azat etüv ceryanında Ukrainanı destek etmege talap etmege çağıralar.

ZMINA İnsan aqları merkezi, “Qırım esnası”, Azat etilgen siyasiy mabüsler platforması, “QırımSOS”, İçtimaiy aqlar merkezi, Kremlniñ siyasiy mabüsleriniñ aqrabalarınıñ birleşmesi, “Qırım uquq qorçalayıcı gruppası”, “DİİA” uquq qorçalayıcı merkezi, “Almenda” içtimaiy maarif merkezi, Bölge insan aqları merkezi, “Qırım” insan aqları evi, İnsan aqları içün media teşebbüsi mezkür muracaat bildirdiler.