Uquq qorçalayıcılar qanunsız olaraq tutulğan Leniye Umerovanı azat etmege talap eteler

20 Aprel 2023

Kıyiv şeerinden Qırımğa hastalanğa babasına ketken Ukraina vatandaşını Gürcistan ve rf sıñırında tuttılar.

Ukrain uquq qorçalayıcıları, Rusiyede qanunsız olaraq serbestlikten marum etilgen qırımtatar Leniye Umerovanı acele azat etmege talap eteler. On uquq qorçalayıcı teşkilâtnıñ imzalağanı muracaatta bu bildirildi.

– Dört buçuq ay devamında rus akimiyeti organları Ukraina vatandaşı, qırımtatar Leniye Umerovanı qanunsız olaraq tutalar. Keçken afta Vladikavkaz makemesi Umerovağa, qabaatını tanımağanına maqmadan, “politaiyanı riayet etmegeni içün” 15 künge tevqif etmege maküm etildi. Leniye Umerova, Qırımda siyasiy maqsatlı taqiplerniñ bütün qurbaları kibi, azat etilmeli, – dep QırımSOSnıñ idaresiniñ başı Oleksiy Tilnenko añlattı.

Ukrain uquq qorçalayıcıları, rf akimiyetiniñ vekilleriniñ cinaiy areketlerini tekbih eteler ve şunı talap eteler:

• Ukraina vatandaşı Leniye Umerovanı acelen azat etmege;
• Leniye Umerovanıñ qanunsız tevqifiniñ semereli ve adaletli taqiqatını keçirmege;
• Qırım MC ve Aqyar şeeriniñ toprağında, Ukrainanıñ işğal etilgen başqa topraqlarında ve Rusiye Federatsiyasınıñ topraqlarında bulunğan müstemlekeler ve apishanelerde tutulğan bütün siyasiy mabüsler ve grajdan reinelerni acelen azat etmege.

Qırım uquq qorçalayıcı gruppası, “Diia” uquq qorçalayıcı merkezi, Zmina insan aqları merkezi, QırımSOS, Siyasiy mabüslerni azat etüv platforması, İçtimaiy azatlıq merkezi, İnsan aqlarına media teşebbüsi, Barışıq ve añlaşıluv institutı, Harkiv qabarcılıqqa qarşı merkeziniñ vekilleri ilânnı imzaladılar.