Ukraina Yuqarı Şurası Qırım meseleleri boyunca mahsus muvaqqat komissiyasını meydanğa ketirdi

01 July 2013

Ukraina Yuqarı Şurasınıñ reisi Vladimir Rıbak Parlament 2013 senesi iyün 18-de Qırım meseleleri boyunca mahsus muvaqqat komissiyasını meydanğa ketirüv aqqında qabul etken qararını imzaladı

Komissiya erkânına majoritar dairelerde ve Qırımdan partiya cedvelleri boyunca seçilgen, 4 deputat fraktsiyasını – “Batkişçina”(Vatan), “Udar”(Darbe), “Partiya regionov” (Regionlar firqası) ve kommunistler – .temsil etken 13 halq deputatı kirdi. “Svoboda”(Azatlıq) partiyasınıñ fraktsiyası komissiyağa kirmekni red etti.

Mahsus muvaqqat komissiyağa Ukraina parlamentiniñ qart deputatlarından biri, Regionlar firqası fraktsiyasınıñ azası Böris Deyç reislik yapacaq.

“Batkivşçina” fraktsiyasını ise Ukraina halq deputatı, Milliy Meclis reisi Mustafa Cemilev temsil ete.