Ukraina rusiyeden Celâl ve diger siyasiy esirlerni acele tarzda azat etmege talap ete

05 Sentâbr 2022

Ukraina rusiyeden Qırımtatar Milliy Meclisiniñ başınıñ ilk muavini Nariman Celâlnı ve qanunsız olaraq azatlıqtan marum etilgen diger ukrainalılarnı acele ve şartsız olaraq azat etmege talap ete.

Ukrinformnıñ haberdar etkenine köre, Ukraina tış işleri nazirliginiñ Celâlnıñ tutulmasınıñ yıllığına dair tefsirinde böylece yazıldı.

– Nariman Celâlnı tutma ve oña qarşı qaabatnı Celâlnıñ 2021 senesi avgust ayınıñ 23-ünde halqara Qırım platformasınıñ tesis sammitinde iştirak etmesi içün rusiyeniñ intiqamı ve yarımadada işğalge qarşılıq ruhunı bozma ınıtıluvı olaraq tanıymız.

Nazirlik rfnıñ areketlerini takbih etti ve hatırlattı ki, Cenevre şartnamesine mücibi, rusiye işğalci bir devlet olaraq kerçek tarzda kontrol etkeni topraqlardaki ayat içün uyğun şartlarnı temin etmege cevapkârdır.

– Nariman Celâl Qırım platformasınıñ ekinsi sammitinde iştirak etemedi, amma vekillerniñ çıqışlarında rusiyege acele azat etmek çağıruvı duyuldı ve sammitniñ neticelerine köre, 2022 s. avgust ayınıñ 23-ünde tasdıqlanğan ortaq azirasında da qayd etildi, dep TİN bildirdi.

Tış siyasiy müessise rusiyeni ‘Nariman Celâl ve em vaqtınca işğal etilgen Qırımda, em de topraqlarında qanunsız olaraq tutqanı diger ukrainalılarnı acele ve şartsız olaraq azat etmege’ çağırdı.