Ukraina halq deputatları Arseniy Yatsenük ve Nikolay Martınenko Milliy Mecliste bulundılar

07 Mart 2011

Fevral 7 künü Ukraina halq deputatları Arseniy Yatsenük ve Nikolay Martınenko Qırımda ziyaretnen bulunıp, Milliy Meclisniñ reisi Mustafa Cemilevnen körüştiler.

Körüşüvde Milliy Meclis reisiniñ birinci muavini, QMC Yuqarı Şurasında “Qurultay-Ruh” fraktsiyasınıñ yolbaşçısı Refat Çubarov, Milliy Meclis reisiniñ muavini Remzi İlyasov, Meclis Prezidiumınıñ azaları Zair Smedlâyev ve Bekir Mamutov iştirak ettiler.

Körüşüvde Ukrainadaki içtimaiy-siyasiy vaziyet muzakere etildi ve akimiyetnen qırımtatarlar arasındaki munasebetler meselelerine de ayrıca diqqat ayırıldı.

“Front Zmіn” siyasiy partiyasınıñ yetekçisi Arseniy Yatsenük ve “Naşa Ukraina – Narodnaya samooborona” deputalar fraktsiyasınıñ reisi Nikolay Martınenko qırımtatar halqınıñ aq-uquqlarınen, şu cümleden, topraq ayıruv ve Qırımda Halqara forumnı keçirüv meselelerine dair öz tekliflerini beyan ettiler.

Körüşüvniñ soñunda iştirakçiler özara emekdaşlıqnı devam ettirmek, Ukraina grajdanlarnıñ ayatiy problemlerini çezmege ve demokratiyanıñ pekitilüvine yardımlaşacaq umumiy ğayretlerini birleştirmek isteklerini bildirdiler.