Ukraina halq deputatı Mustafa Cemilevniñ saytı çalışıp başladı

05 Noyabr 2013

Bugünden itibaren Ukraina halq deputatı Mustafa Cemilevniñ – http://www.dzemiliev-rada.org.ua resmiy internet resursı öz işini başladı.

Ukraina halq deputatınıñ İnternet temsilciligi Mustafa Cemilevniñ Ukraina Yuqarı Şurasında faaliyetini aydınlatacaq ve Ukrainanıñ aliy qanunâratıcı organında  parlament faaliyetiniñ açıq printsipleri tesis etilmesine hızmet etecek.  

Sayt “Haberler”, “Biografiya”, “Galereya”, “Deputatlıq faaliyet”, “Cemaat qabulhanesi” bölüklerden  ibaret olıp, bunıñ kibi de “Bağlantılar” bölügi vastasınen çeşit meseleler boyunca bağlanmaq imkânı da köz ögüne alındı.

Sayt öz işini mükemmelleştirecek.