Ukraina halq deputatı Mustafa Cemilev Sürgün etilgen vatandaşlarnı yerleştirüv boyunca devlet programmasınıñ edası kergin alda olğanını devlet yolbaşçıları ve halqara cemaatçılıqqa bildirmek niyetinde

25 Noyabr 2013

Ukraina halq deputatı Mustafa Cemilev Sürgün etilgen vatandaşlarnı yerleştirüv boyunca devlet programmasınıñ edası kergin alda olğanını devlet yolbaşçıları ve halqara cemaatçılıqqa bildirmek niyetinde

Ukraina sotsial siyaset nazirligi Ukraina halq deputatı Mustafa Cemilevge onıñ “Sürgünlikten Ukrainağa yaşamağa qaytıp kelgen qırımtatarlar ve diger millet vekillerini yerleştirüv, olarnıñ ukrain cemiyetine qatıluvı boyunca 2015 senesine qadar devlet programması”nıñ 2011-2013 senelerde edası boyunca deputatlıq soravına cevap yolladı. Bu aqta halq deputatınıñ resmiy saytı bildire.

Ukraina sotsial siyaset nazirligi taqdim etken tablitsadan Ukraina halq deputatı Mustafa Cemilev Devlet Programmasınıñ edasını Ukraina ükümeti tsifirge tüşürgen, degen hulâsa çıqardı. Alınğan resmiy malümatlarğa köre Ukraina halq deputatı eñ yaqın zamanda nazirliklerniñ yolbaşçılarınen Programmanı finansirlevni arttırmaq meselesini işlemek içün körüşip, ve devlet yolbaşçılarını mezkür problemniñ edasınıñ kergin vaziyeti aqqında haber bermek niyetinde.