Kıyivde Halqara Qırım platformasınıñ İhtisasiy ağınıñ Dörtünci Halqara forumı olıp keçecek

26.08.2025

Eki devletniñ liderleriniñ Alâskada körüşüvi şunı kösterdi: Ğarp tarafından qol tutuvğa ümüt etkenine baqmadan, Ukrayina, Rusiye tarafından devamlı telüke şaraitinde memleketniñ istiqrarını temin etecek öz strategiyasını şekillendirmek kerek. Bunıñnen beraber, halqara destek ve istilâcığa qarşı artqan basqı, böyle bir stsenariyniñ muvafaqiyetli amelge keçirilmesiniñ müim qısmı olaraq qala.

Yañı kontekst ve yañı çağıruvlarnı köz ögüne alıp, Qırım platformasınıñ ihtisasiy ağı IV. Halqara forumnıñ keçirilmesini teşebbüs etti. Tedbir devamında yetekçi ukrayin ve halqara mütehassısları akimiyet vekillerinen beraber vaziyetni talil etecekler, Ukrayina ve halqara ortaqları içün tevsiyeler azırlaycaqlar.

Tedbirde Ukrayina Tış işler nazirligi, Ukrayina Mudafaa nazirligi, Ukrayina iqtisadiyat nazirligi RNBO, mustaqil mütehassıslar, halqara analitika merkezleriniñ vekilleri, ükümetke bağlı olmağan teşkilâtlar, uquq qorçalayıcılar ve diplomatik korpusnıñ vekilleri iştirak etecekler.

Teşkilâtçılar: Qırım platformasınıñ İhtisasiy ağı, Qırım platformasınıñ Ofisi, Ukrayina Prezidentiniñ Qırım Muhtar Cumhuriyetindeki Temsilciligi, Ukrayina Tış işler nazirligi, Qırımtatar Milliy Meclisi. Forumnıñ media ortağı – Media Center Ukraine.

Tarih ve saat: arman ayınıñ 28-i, saat 10:00da

Media içün qayd forması: https://forms.gle/CYVTvx5yK8Q3hwwk9

Akreditatsiya tasdıqlanacaq soñ yer aqqında haber berilecek.