Kıyivde QIRIM “Vidlunnâ” hayriye kontserti keçirilecek

10.02.2026

2026 senesi kiçik aynıñ 27-nde Kıyivde, Qırımnıñ vaqtınca işğaline qarşılıq kösterüvniñ 12 yıllığına bağışlanğan QIRIM “Vidlunnâ” (“Akisseda”) hayriye jazz aqşamı keçirilecek. Tedbir ATLAS klubında keçecek (Siçovıh Stilltsiv soqağı, 37-41).

Aqşam programması – Üsein Bekirov ve Yevhenii Dubovyk Project kvintetiniñ çıqışları, em de hayriye aktsiyası.

Biletlerniñ satuvından toplanğan bütün paralar Ukrayina Silâlı quvetlerine qol tutmaq içün qullanılacaq – hususan, avtomatik top silâlarını temin etmek içün “Canlı qayt” hayriye fondunıñ toplanmasına. Bağçasaray maaliniñ qurucılığı leyhası Pıroğovo şeerindeki Ukrayina halq mimarlığı ve turmuşı milliy müzeyinde Ahtem Seitablayevniñ teşebbüsinwn amelge keçirilecek.

Teşkilâtçılarnıñ qayd etkenine köre, QIRIM “Vidlunnâ” (“Akisseda”) – Qırımnıñ işğaline qarşı çıqqan er keske minnetdarlıq aqşamı, em de bugün anda bulunmaq kerek olğanlarnıñ hatırasıdır.

Tedbirni “Crimean Daily” mediası bir sıra ortaqlarınen beraber teşkil ete: “Canlı qayt” hayriye fondı, ATLAS klubı, “Qırım evi” DT, Qırım Cebebi birleşken teşebbüsi, TRO Media, Radio Jazz, Fusion Jams, Concert.ua servisi, ZMINA insan aqları merkezi, Qadın Divanı teşebbüsi, Ukrayina halq mimarlığı ve turmuşı milliy müzeyi, CrimeaVox, QIRIM.Media, My City Crowd, LiRoom ve digerleri.

Tedbir saat 18:00-de başlanacaq.

Biletler mından almaq mümkün: https://concert.ua/uk/event/qirim-vidlunnja