Tuvğanları 7 senege üküm etilgen Appaz Kurtametnen bağnı coydı

19 Noyabr 2024

Eki aftadır yigitnen bağ yoq. Bu, onıñ apishaneden başqa yerge etap etilgenini köstere. Qırımtatar Maaliy Merkezine onıñ anası Ayşe Kurtamet bu aqqında haber etti.

«Adet üzre mektüpler bir qaç künden soñ kele, amma şimdi cevap alamaymız. Soñki etap bir buçuq ayğa qadar devam etti, yani, tahmin etem ki, şimdi de aynı bu qadar vaqıt devam etecek. Amma bu sefer daa tez olur, dep ümüt etem», — dep qayd etti Ayşe Kurtamet.

Appazanı ne yerge etap etkenlerini tam olaraq belli degil. Tek şunı bilemiz ki, etap vaqtında siyasiy mabüsnen bağ qurmaq imkânsız, amma o, imkânı olsa, toqtama vaqtında telefon ete bile.

«Yazıq ki, men bu etapnıñ nasıl şaraitte keçkenini bilmeyim. Onıñ mektüplerinden men, ruhu biraz quvançlı olğanını añlayım . O, deñişüvge ümüt ete, amma anasına mektüpler dostlarına mektüplerden farqlı ola. Sağlıq vaziyeti orta, Qırım SİZOda peyda olğan teri meseleleri bar. O, yazğanına köre, qasevetlene: uzun müddet devam etken ve ilâcnıñ bitken taqdirinde, o, ekinci kere tedaviylengen olmaycaq. Bu vaziyette meseke hronik ola bile, çünki biz Qırımğa yollağan bütün ilâclar oña vaqtında ketirilmedi. Yazıq ki, Qırım SİZOda tibbiy teşkerüvler keçirilmey edi, biz ise, öz-özümizge baqıp areket ettik», — dep siyasiy mabüsniñ anası tarif etti.