Tutulğan qırımtatar faalcisi Ervin İbrahimovnıñ doğğan kününe

18 Iyül 2023

Qırımtatar faalcisi, Umumiy dünya qırımtatarlar kongressiniñ icra eyyetiniñ azası Ervin İbrahimov 38. doğğan kününi qayd ete. Endi 7 senedir onıñ bulunğanı yer belli olmay. Hatırlatam ki, 2016 senesi mayıs ayınıñ 24-ünde gece maalinde Bağçasaray yanında işğalciler onı tuttılar. Video kameraları qayd ettiler ki, faalcini mikroavtobusqa mindirdiler ve belli olmağan yerge ketirdiler. Ervinni qıdırmağa ketken babası, yolda onıñ açıq maşnasını taptı. O zamanlarda berli iç haberler yoq. Aqrabaları ve dostları ümüt etip, onıñ qaytmasını bekleyler.

Tutmaq ve habersiz ğayıp olmaq – vaqtınca işğal etilgen topraqlarda rus tecavuzcılarınıñ populâr ameliyatıdır. Bu tür areketler Bütün insanlarnı zorbalıqnen ğayıp olmalardan qorçalav aqqında halqara qanunname, İnsan aq-uquqlarını qoçalav aqqında qanunnameniñ 5. maddesi, IV. Cenk vaqtında tınç yaşağan ealini qorçalav aqqında Jenevre şartnamesi, Avropa insan aqları şartnamesiniñ maddelerini bozalar. Mezkür şartnamelerge köre, er bir insanğa şahsiy toqunmazlıq aqqı kefil ola.