Türkiye Cumhuriyetiniñ Prezidenti Abdulla Gül Ahmed İhsan Qırımlınıñ vefatı munasebetinen taziye bildirdi

14 Dekabr 2011

Türkiye Cumhuriyetiniñ Prezidenti Abdulla Gül dekabr 11 künü Türkiyeniñ sabıq Turizm naziri, Türkiye Cumhuriyeti Parlamentiniñ sabıq deputatı, Qırımtatar medeniyeti ve yardımlaşma cemiyetiniñ reisi, doktor Ahmed İhsan Qırımlınıñ vefatı munasebetinen onıñ ailesi ve soy-aqrabalarına taziye bildirip, bu kederli haberni büyük yanıq ile eşitkenini ayttı ve merhumğa Alladan rahmet istedi.

“Rahmetli Ahmed İhsan Qırımlı Türkiyeniñ Turizm naziri, Türkiye Cumhuriyeti Parlamentiniñ deputatı, çoq yıllar Qırımtatar medeniyeti ve yardımlaşma cemiyetiniñ reisi vazifesinde em qırımtatar halqına, em Türkiyege namuslı hızmet etip, qalplerimizde ayrıca yer alacaq”, – denile Türkiye Cumhuriyeti Prezidentiniñ taziyesinde.

A. Gül Ahmed İhsan Qırımlınıñ ailesi ve qardaş qırımtatar halqına şahsen kendi adından ve Türkiye halqınıñ adından baş sağlığı tiledi.

www.tccb.gov.tr