Topraq meselesi televizordan çıqış vastası ile çezilmemeli, – M. Cemilev

14 Noyabr 2011

Qırım Muhtar Cumhuriyeti Nazirler Şurasınıñ reisi “Qırım” devlet teleradiokompaniyasınıñ yayınında “samozahvatlar” boşatılacağı aqqında laf yürsetkenini Ukraina halq deputatı, Milliy Meclis reisi Mustafa Cemilev “ciddiy olmağanı” dep tanıdı.

Böylece, M.Cemilev QHAna Vasiliy Cartınıñ “Qırım” devlet teleradiokompaniyasınıñ yayınında taqdim etken arizanı tefsir eterek, anda o öz mektübinde qırımtatar halqınıñ liderine “narazılıq meydan”ında oturğan qırımtatarlar yerni boşatsın dep hitap etkenini bildirdi.

“Birinciden, men Cartıdan resmiy mektüpni daa almadım. Ekinciden, topraq meselesi televizardan çıqış vastası ili çezilmemeli, biz er bir uçastkanı tafsilâtlıca baqıp muzakere etmelimiz. Bu alda topraqlarnı qanunlaştırmaq maqsadı ile bütün tekliflerni işletken komissiya çalışa edi. Ve Cartı yerni boşatmaq keregi aqqında lafları ciddiy degildir”, – dedi Cemilev ve Cartınıñ emirini yapmacağı aqqında bildirdi.

Evelina İlyasova
QHA bergen malumat boyunca