TFH ukrainalını tuttı ve “qırımtatar batalyonı”nda iştirakine qabaatlay

13 Mart 2023

Qırımda rus quvetçileri, “Noman Çelebicihan adına qırımtatar batalyonı”nda iştirak tömesinen 39 yaşındaki vatandaşnı tuttılar. İşğal KHVna atıf eterek, Qırım.Aqiqat bu aqqında haber berdi.

– Şübelengen adam qanunsız silâlı teşkilâtnıñ faaliyetinde aktiv olaraq iştirak etti. Aynı zamanda onıñ terkibinden göñülli olaraq çıqmaq imkânına saip olaraq, uquq qorçalayıcı organlarğa bu aqqında arizanen hitap etmedi, bunıñ içün de batalyonda cinaiy iştirakini devam etti, – beyanatta yazıldı.

Tutuvnıñ yeri ve şübelengen adamnıñ adı belli olmay. Tutulğan adamnıñ halq ögündeki tefsirleri de mevcut olmay.

Şu anda adamğa qarşı rusiye Cinaiy Qanunnamesiniñ 208. maddesiniñ 2. qısmına (RFnıñ federal qanunlarında esapqa alınmağan silâlı teşkilâtta iştirak) mücibi cinaiy dava açıldı.