Teşkiliy komitet matem tedbirlerine azırlana

14 Mayıs 2012

2012 senesi mayıs 14-te Meclisniñ Jidkova soqağındaki 40—ncı evde yerleşken ofisinde Qırımtatar halqı genotsidi qurbanlarınıñ hatırasına bağışlanğan matem tedbirlerini azırlav ve keçirüv boyunca teşkiliy komitetniñ toplaşuvı olıp keçti.

Toplaşuv devamında matem tedbirlerine azırlıq seviyesi baqılıp, tüzetüv ve añlaşmalarnı talap etken meseleler de işlenildi.

2012 senesi mart 4-te Qırımtatar halqı Meclisiniñ qararınen meydanğa ketirilgen teşkiliy komitetniñ toplaşuvı Meclis reisi Mustafa Cemilevniñ reberliginde olıp keçti.

Aynı şu künü Aqmescit şeer şurasınıñ meclisler zalında Qırımdan sürgün etilgenlerniñ hatırasına bağışlanğan tedbirlerni keçirüv boyunca teşkiliy komitetniñ de toplaşuvı keçirildi.

Şeer golovasınıñ icra organları faaliyeti meseleleri boyunca muavini İgor Skutskiy alıp barğan bu toplaşuvda Meclis Prezidiumınıñ azası Zair Smedlâyev iştirak etti.