Teftiş komisyonında referendum vek qırımtatarlarnı Qırımnıñ tamır halqı olaraq tanılması meseleleri muzakere etildi

11 Aprel 2014

2014 senesi, nisan (aprel) 11-de qırımtatar halqı VI Qurultayı Teftiş komisyonınıñ toplaşuvı olıp keçti.

Kün tertibinde esas eki mesele– Qırımtatar halqını Qırımnıñ tamır halqı olaraq, qırımtatar halqı Qurultayınıñ ve erkânınıñ onıñ legitim öz-özüni idare etüv müessiseleri olaraq tanılması ve devletçiligi boyunca qırımtatar halqınıñ referendumını keçirüv meseleleribaqılıp çıqıldı.

Muzakere ve rey berüvden soñ, Birleşken Milletler Teşkilâtı, Avropa Şurası, Avropa Birleşmesi, Avropa Havfsızlıq ve Yardımlaşuv Teşkilâtı, farqlı devletlerniñ halqları, parlamentoları ve hükümetlerine seslenip, Ukraina yapqanı kibi, qanuniy sürette qırımtatar halqını Qırımnıñ tamır halqı olaraq, qırımtatar halqınıñ Qurultayını ve terkibini onıñ öz-özüni idare etüv legitim müessiseleri olaraq, tanımalarına çağırğan muracaatnıñ metni qabul etilmesive onıñ, Milliy Meclis reyine taqdim etilmesi, onıñ kibi de, Milliy Mecliske muracaat etip, devletçiligi boyunca qırımtatar halqınıñ referendumını BMT imasesinde keçirmek içün, areketke keçmesi ve, bu mesele çezilmegence, referendum keçirüv muzakeresini toqtatması tevsiye etilmesi qararları qabul etildi.

Daa tefsilatlı malumatnen tanış olmaq içün, Milliy Meclisniñ saytında yerleştirilgen protokolğa baqa bilesiñiz.