Taşeva: Ukraina, Qırım işğal makemeleriniñ bütün qararlarını yañıdan baqacaq

15 Dekabr 2022

Qırım işğalden azat etilecek soñ rusiyeniñ ukrain yarımadasını sekiz senelik işğali devamında berişgen bütün qararlarnı yañıdan baqmaq kerekecek.

Ukraina Prezidentiniñ Qırım MCdeki daimiy vekili Tamila Taşeva bunı bildirdi, dep Ukrinform haber berdi.

Onıñ sözlerine köre, birinciden insan aqlarını bozmalar aqqında ve taraflarından biriniñ işğal memuriyeti olğanı davalar baqılacaqlar.

Taşeva qayd etti ki, işğal makemelerinen işğalcilerniñ sahte ükümleri neticesinde epishanelerde bulunğan bütün siyasiy mabüsler istisnasız azat etilecekler.

Böylece şu anda ya yarımadada ya fa rfda tutulğan eñ az 155 Ukraina vatandaşı işğal etilgen Qırımda epis ya da maküm etildi. Olardan 109-ı ise qırımtatarlar.

– Qırımtatar faalcilerine (şu cümleden Seyran Saliyev, Server Mustafayev, Emir-Usein Kuku, Servet Gaziev ve onlarca kişige) qarşı “terrorcılıq” tamamınen manasız qabaatları aqqında laf etemiz. Bundan ğayrı, Nariman Celâl, Aziz ve Asan Ahtemovlerniñ maküm etilgenleri böyle degen “diversiya” davaları belli. Olar, 17, 13 ve 15 senege serbestten marum etildiler, – dep Taşeva qayd etti.

O bildirdi ki, tolu miqyaslı tecavuznıñ başlanğıcından rusiye, em de vaqtınca işğal etilgen topraqlarğa tarqatılğan rf CQniñ yañı 20.3.3 “rf sqni itibardan tüşürüv” aqqında maddesini teklif eterek ve qanunlarğa deñişmelerni kirseterek, cezalavlarnı çoqlaştırdı. Böylece şu anda bu maddege mücibi, “maküm etilgen” Ukraina vatandaşlarından memuriy cezalarnıñ 200 vaqiası aqqında bilemiz.