Bariev, Qırımdaki işğalcilerniñ NATO aqqında sahte haberlerini doğru olmağanlarını isbatladı

08 Noyabr 2022

Meclis, sentâbr-oktâbr aylarında vaqtınca işğal etilgen Qırımda tecavuzcılarnıñ tarqatqanları NATO aqqında sahte haberlerni añlattı.

Ukrinform matbuat konferentsiyasında Qırımtatar Milliy Meclisiniñ uquqiy meseleler ve tış işler idaresiniñ başı Eskender Bariev bu aqqında haber berdi.

Barievniñ sözlerine köre, Ukraina Silâlı Quvetleriniñ muvafaqiyetleri sebebinden rf, cemaatnı inandırmağa tırışa ki, NATO onı sanki zapt ete, ve NATO Qırımda rus ava mudafaa sistemaları aqqında malümat ögrenmege ıntıla.

– Amma NATO – mudafaa bir birleşmesi, onıñ uçaqları ise Qırım yanında istihbarat yapmaylar, – dep Bariev qayd etti.

Daa bir sahte haberde añlatıldı ki, NATO “rfnıñ sıñırlarına yaqınlaşa”.

– Şu anda rfnıñ NATOnen sıñırlarınıñ tahminen 4%-idir. Ve biz şaatlar olamız ki, birleşme ve azaları başqa devletlerniñ topraq bütünligini qast etmeyler, – dep mütehassıs qayd etti.

Daa propagandacılar fikirni tarqatalar ki, “rfna qarşı Ğarp birleşip beraber cenkleşe”. Faqat, Bariev qayd etti ki, aqiqat böylece: endi sekiz seneden çoq rusiye Ukrainağa qarşı tecavuz bir cenkini keçire.

O bildirdi ki, rusiye,  Ukrainağa qarşı cenkniñ başlamasını aqlayaraq, ritorikasını deñiştirdi.

– Böylece, sentâbr ayında rus propagandacıları haberler tarqatmağa başladılar ki, AQŞ Prezidenti Corc Buş Ukrainanı NATOğa qatılmağa teklif etti. Faqat tek Portaqal inqilâbında ğalebe qazanğan soñ Ukraina NATOğa qatılmaq yoluna turdı, – dep Bariev añlattı.