Sürgünlikniñ 69 yıllığı munasebetinen Ukraina musulmanları « Umma» diniy idaresiniñ qırımtatar halqına muracaatı

18 May 2013

Qıymetli ağa-qardaşlar ve apteler!

Ukraina musulmanları “Umma” diniy idaresi qırımtatar halqı öz tarihiy toprağından sürgün etilgeniniñ 69 yıllığı munasebetinen başsağlığı tiley.

Siziñ cesür musulman halqıñıznıñ başına deşetli sınavlar tüşti, amma siz bükülmediñiz, diniñiz, medeniyet ve öz yurtuñızğa sevgini saqlap qaldıñız.

Qırımtatarlarnıñ tarihiy asabalığından pek çoq şey ğayıp etilgenine baqmadan iradeli halqıñız medeniy ve diniy variyetini, tili ve tasilini tiklemekte.

Bugün qırımtatar halqınıñ ögünde mürekkep meseleler tura. Olar birinci nevbette milliy birliğizni parçalavnen bağlıdır.

Alternativ diniy ve milliy-medeniy merkezlerni meydanğa ketirüv usulınen işançsızlıq, dava ve qavğalar qozğala.

Siziñ ikmetli halqıñız iç bir şeyge baqmadan maneviy birligini saqlap, öz toprağında aqlarınıñ tiklenmesine irişecegine inanamız

Yüce Allah qırımtatar halqına şefqat eylesin, sizge birlik, barışıqlıq ve ilerilemeñizni tileymiz!
Qırımtatar halqı içün duacımız


“Umma” Ukraina musulmanları Diniy idaresiniñ reisi İslâm Gimadutin


“Umma” Ukraina musulmanları Diniy idaresiniñ Müftiyi Said İsmagilov