Sürgünlikniñ 69 yıllığı munasebetinen «Rusiyeniñ Sürgün etilgen halklar birligi»niñ qırımtatar halqına muracaatı

18 May 2013

Sayğılı qırımtatar qardaşlarımız!

Bugün 2013 senesi mayıs 18 künü qırımtatar halqınıñ sürgün etilgenine, soyqırımğa oğratılğanına 69 yıl tolmaqta. On biñlernen günahsız qurbanlarnı alıp ketken, tuvğan topraqtan mahrum etken, aqsız aqaretlerge oğratqan facianıñ deşetini sözlernen ifade etmek mümkün degil.

Bir baqqanda vaqıt o yaralarnı savuştırmaq, devlet ise tarihiy adaletsizlikni tiklemek kerek edi. Amma aradan 70 yıl keçkenine baqmadan bizim halqlarımızğa nisbeten soyqırım devam etkeni ve atta o ep beterleşkenini eminliknen ayta bilemiz.

Sabıq SSSRniñ sürgün etilgen halqlarnı bir accı, bir facia birleştirmekte! Bunıñ kibi de bizni adalet duyğusı ve kommunist rejimi mıtlaqa mahküm etilecegine işanç da birleştirmekte.

Sibir, Qazahistan ve Orta Asiyanıñ sıñırsız topraqlarında ebediyen qalıp ketken yaqınlarımıznıñ ruhunı şad etmekniñ bir yolu bizim aqlarımıznıñ tiklenmesi olur edi.

Bu – territorial, medeniy, içtimaiy ve psihologik reabilitatsiya olacaq.
Qırımtatar halqı içün bu yaslı künde biz sizlerge başsağlığı tilep, göñüllerimiz siznen olğanını bildiremiz.
 

“Rusiyeniñ Sürgün etilgen halklar birligi”niñ reisi
Arkadiy Gorâyev