Sürgünlik qurbanlarınıñ hatırası künü munasebetinen Ukraina Halq areketiniñ baş sağlığı

17 May 2013

Aziz Vatandaşlar!

Totalittar stalin rejimi 1944 senesi baarde qırımtatarlarnı sürgün etip tişlerini kösterdi.

Caniy areketler aqibetinde bütün qırımtatar halqı sürgün etildi, biñlernen insanlar ise açlıq ve azaplarğa dayanmadan öldi.

Kommunist partiyası insanlarnı eñ aziz şey – Vatanından mahrum etti. Ve faqat bizim devletimiz mustaqilligini elde etken soñ olarnıñ qaytmalarına izin berildi. Aynı ukrainler qırımtatarlarğa qoltutqanlarınıñ sebeplerden biri şüki, biz de tıpqı sizler kibi Sovetler Birliginiñ vahşiy rejiminden eziyet çektik.

Ukrainler daitma sizler ile qardaş olıp keldi. Meşur ukrain uquqqoruyıcısı Pötr Grigorenko, Areketimiznıñ başı Vâçeslav Çornovil qırımtatar halqınen yan-yanaşa aqqıñız ve mustaqilligiñiz içün küreştiler.

İşte, Ukraina Halq areketi daima siziñ tarafıñıznı tuta, qırımtatar halqınıñ işançlı dostudır.

Bu facia bizim de faciamızdır. Bugün bütün ukrain halqı qurbanlarnıñ hatırasını başını egerek aña. Biz tuvğan topraqqa qaytuv aqqı içün küreşken, bu cenkte elâk olğan, tarihı, ananeleri ve özgünligi oğrunda arekette elâk olğanlarnı hatırlaymız. Qardaşlar, yeter ki istek olsun, yapıcı dialogğa azırlıq, bir maqsad içün küreşip er angi meselelerni çezmek mümkün. Beraber biz Ukraina ve Qırım içün çoq iş yapabilirmiz. .

Bugün biz bütün milletni birlik, barışıqqa çağıramız. Devletimiz ve muhtariyette barışıqlıq ve inkişafnı temin etmek umumiy işimizdir. Bizlerni yoq etmege tırışqanlarğa qarşı turmaq içün beraber olmaq kerekmiz.

Qırımtatar halqına şan-şeref!

Yaşasın Ukraina!

Ukraina Halq areketiniñ reisi Vasiliy Küybida