1944 senesi mayıs ayınıñ 18-nde Stalinniñ emrine köre, Qırımdan bütün qırımtatar halqı sürgün etildi.

Qırımtatarlarnı Qırımdan sürgün etüv ameliyatı mayıs ayınıñ 18-nde saba saat 5te er bir qırımtatar eviniñ qapusını qaqıp başladı. Tahminen 30 biñ qırımtatar Qızıl Ordu erkânında cenkleşken vaqıt, olarnıñ apayları, balaları ve esli-başlı ana-babaları NKVD hadimleri tarafından ayvanlar içün mahsus vagonlarğa yüklenip, uydurılğan hainlik olaraq tanıldı.

Qırımtatarlar Özbekistan, Qazahistan, Ural ve Şuralar Birliginiñ başqa cumhuriyetlerine sürgün etildi. NKVDniñ esabatında 1944 senesiniñ küzünde 193 865 insannıñ sürgünlikte yaşağanı qayd etildi.

Sürgünlikniñ ilk yıllarında açlıq ve hastalıqlardan ölgenlerniñ sayısı çeşit türlü malümatlarğa köre, 15%den 46%-ge qadar edi.

Qırımnıñ tamır halqı Vatanına tek XX asırnıñ 80-nci yıllarınıñ soñunda qaytıp oldı. Amma bundan evel, evde yaşamaq aqqı içün zorbalıqsız küreşniñ uzun yolu başlandı.

“Tamırlar” – Sürgünlikniñ virtual müzeyi, bu deşetli facianı başından keçirgen insanlarnıñ sürgünlik ikâyelerini toplağan multimedia platformasıdır.