Sudaq rayonında doğma cenkçi, doğma Qoz köyünden Mustafa Ümerovnıñ naaşı defn etildi

09 May 2013

Sudaq regionınıñ Qoz köyünde şu yerde doğğan, Ekinci cian cenkinde 1941 senesi Aqyar civarında elâk olğan asker Mustafa Ümerovnıñ naaşı defn etildi.

Bu aqta Facebookta öz saifesinde Meclis reisiniñ birinci muavini, Qırım Yuqarı Şurasınıñ “Qurultay-Ruh” fraktsiyasınıñ başı Refat Çubarov haber etti.

Merasim 2013 senesi mayıs 7 künü olıp keçti.

“Mustafa Ümerov 1914 senesi Sudaq rayonınıñ Qoz köyünde dünyağa keldi. Onıñ ağası Seitasan1939 senesi cenkke seferber etilip, fin cenkinde belgisiz ğayıp oldı.

Mustafa Ümerov da ta 2013 senesi aprel ayına yani araştırıcılar 1941 senesi sentâbr ayında Aqyar civarında çarpışmada elâk olğan askerlerniñ kemiklerini tapqanlarına qadar belgisiz ğayıp olğanlar sırasında edi

Mustafa Ümerov ve cenkâver arqadaşları soñki kere çarpışqan yerini tapqan araştırıcılarnıñ aytqanlarına köre Mustafa granata ile ücümge azırlanğan vaqıtta elâk olğan. Patlamağan granata öyle de elinde qalğan…”, – dep yaza Çubarov.