Stiven Peycge Qurultay delegatlarını saylavlarnı közetmek içün halqara nezaretçi şeadetnamesi berildi

24 May 2013

Qurultay delegatlarını saylav merkeziy komissiyasınıñ reisi Zair Smedlâyev Kiyev şeerinde AQŞnıñ Ukrainada Elçiliginiñ ekinci kâtibi cenap Stiven Peyc ile körüşti.

Körüşüvde bunıñ kibi de Kiyev ve Kiyev vilâyetinden Qurultayğa delegatlarnı saylav boyunca 45-nci daire saylav komissiyasınıñ reisi Alim Veliullayev iştirak etti.

Körüşüvde Qurultayğa seçim ile bağlı meseleler muzakere etilip, Stiven Peyc Amerika Elçiligi Qırımdaki vaqialarnı diqqat ile közetip barğanlarını ayttı.

Qurultay delegatlarını saylav merkeziy komissiyasınıñ reisi Zair Smedlâyev Stiven Peycge Qurultay delegatlarını saylavda iştirak etmege razılığını bergeni içün teşekkür bildirdi ve oña halqara közetici şeadnetnamesini berdi.

Malümat: Saylavlar Radisson Blue Hotel binasında Kiyev ş., Yaroslavov Val soqağı, 22, “Zolotıye Vorota”. metro stantsiyası adresi boyunca olacaq

Saylav uçastkası saba 8-de çalışıp başlaycaq ve aqşam 20-ge qadar devam etecek